दिक्तेल फुटबल क्लब र सोल्मा निलो फाइनलमा

आइतबार भएको खेलमा नेर्पा स्पोर्टस् क्लब र दिक्तेल फुटबल क्लब बीच भएको खेलमा एक–एक गोल बराबरीपछि टाइब्रेकरमा नेर्पा स्पोर्टस् क्लव पराजित भएको हो ।

त्यस्तै, आइतबारै भएको खोटाङ फुटबल एकेडेमी र सोल्मा निलो बीचको खेलमा पनि एक–एक गोल बराबरी हुँदा टाइब्रेकरमा खोटाङ फुटबल एकेडेमी पराजित भएको थियो ।

प्रतियोगिताको फाइनल खेल कात्तिक ५ गते दिउँसो साडे ११ बजे हुने आयोजकले जनाएको छ । खेलको विजेता टिमले नगद २५ हजार, कप, मेडल र प्रमाणपत्र तथा उपविजेताले १५ हजार नगद, कप, मेडल र प्रमाणपत्र पाउने छन् ।

प्रतियोगितामा विभिन्न विधागत पुरस्कारको समेत व्यवस्था गरिएको आयोजक सोल्मा स्पोर्टस् क्लवका अध्यक्ष तथा जिल्ला फुटबल संघ खोटाङका अध्यक्ष ध्रुबबिक्रम राईले बताए ।