कात्तिक ४, २०८१

नेकपा एमालेको सचिवालय बैठकले पार्टी कार्यालय निर्माणको विषयमा पार्टी निर्णयविरुद्ध अभिव्यक्ति दिने तीन जनालाई स्पष्टीकरण सोध्ने निर्णय गरेको छ ।

आइतबार साँझ बसेको बैठकले नेता भीम रावल, स्थायी समिति सदस्य विन्दा पाण्डे र केन्द्रीय सदस्य उषाकिरण तिम्सिनालाई स्पष्टीकरण सोध्ने निर्णय गरेको महासचिव शंकर पोखरेलले जानकारी दिए ।

पार्टी कार्यालय निर्माणका लागि कानून सम्मत नै जग्गा स्वीकार गरिएको उनले बताए ।

विपत्तिका बेला अन्य पीडित जस्तै एमालेको पार्टी कार्यालय पनि डुबानमा पर्दा क्षतिपूर्ति स्वरूप कसैले दान दिने भनेर गरेको सहयोग स्वीकार गरिएको उनले बताए । लोकान्तर संवाददाता